Mibu Tampi Thahnak Kong Ah Kawlkap Hlun (2) Cu International Criminal Court (ICC) Ah Tehte An Si Lai

Salai Bawi Lian Sang| TCP-Kalay | September 14, 2020| 2017 kum Rakhine ram Rohinya (Muslim) minung a bu in thah lai nawn le hramhram in tlaihhremnak kong vialte tette chimtu ding ah  kawl ralkap in a tlimi tiah zumhmi pahnih nih International Criminal Court (ICC) zung umnak Netherland ram, Oude Waalsdorperweg 10, 2597 AK DenHaa peng ah an chiah hna tiah thawngpang a chuak.

Ralkap hlun pahnih Netherland ram an phan hi thawngpang a dik mi a si ko tiah Canada ram hrambumh mi CBC news nih September ni 8 ah a tial.

CBC thawngzamhnak nih cun Ralkap in a tli mi pahnih hna hi Bangladesh ramri ah August thla lai ah AA nih ralkap pahnih hna video le hmanthlak an langhter tiah an tial.

Video chung ah mah ralkap pahnih he pehtlai in AA nih an tlaih le tlaihlo an fianghter lo. Video file he pehtlai in a dik le dik lo zalawngte in hlathlainak a um kho rih lo tiah CBC nih a langhter. Mah ralkap ralzam hna an rak i ken mi thawngpang nih taza zung bia ceih tik ah santlaimi thawngpang a chuak hrim lai tiah CBC nih a chim chap.

Kawlralkap hlum Zaw Naing Tun Kum (30) le Myo Win Tun kum (33) an mah pumpak min langhter mi le ahlan  zong ah mah thawngpang hi a rak chuak chung cang. Mah chung ah Rakhine ram chung ralkap nih khuakip  kal in ral hlohnak ah aa telmi  mi battalion min, khua an hrawknak le mibu pi thah in mithi ruak a tomtam in an phun nak hmun pawl vialte ICC ah  an chim lai tiah thawng theih a si.

Rohinja ralzam hna an chimmi thawngpang vialte he pehtlaimi thawngpang a hman mi a chim tu hmasa bik kawl ralkap an si lai tiah an chim chih.

ICC lei biachimnak nawl ngei Fadi El Abdallah nih Kawlralkap hlum pahnih hna cu ICC nih tlaihmi an si lonak kong alangh ter. Credit:  Mizzima Weekly, September 8, 2020

Na ruahning rak langhter ve.. (Leave a comment)

%d bloggers like this: