Min Aung Hliang nih tlangcung hriamtlai pawl he tonnak ngei ding in a voihnihnak sawmnak a tuah
The Chinland Post | 2022 June 15 – Hramhram in uknak a latu Min Aung Hliang he tonnak kan ngei lai lo tiah cathanh a chuahmi tlangcung hriamtlai phu pawl he tonnak ngei kho ding in General Min Aung Hliang nih a voihnihnak a sawm ṭhan hna i ton a duhmi nih June 20 a hnubik chia in cazin pek dih ding in a thanh ṭhan.
General Min Aung Hliang nih April 22 ah thanhmi a voikhatnak sawmnak ah phu 10 nih tonnak ngei ding in cazin an pek i phu 6 he ton a si cang, phu 4 ton ding a tan rih caah a tangmi tlangcung hriamtlai phu pawl tonnak ngeih ka duh roh ko tiah Min Aung Hlaing nih a thanh.
A voikhatnak sawmnak ah KNU, KIA, KNPP, CNF, AA, TNLA, MNDAA pawl telh in thazang a ṭhawngmi phu pawl nih Min Aung Hliang he tonnak kan ngei lai lo tiah cathanh an rak chuah.