Minbya Um IB 380 Battalion AA Nih An Lak
The Chinland Post | 2024 January 29 — Rakhine ram, Minbya um ralkap IB 380 Battalion cu AA nih an lak khawh tiah unau hawikom phu 3 nih an thanh.
January 28 ah AA nih kahdoh an tuahnak Rakhine hmunhma, Minbya peng um ralkap IB 380 cu tlamtling tein an lak khawh, ralkap council nih nifatin in sakhaan pakhat hnu pakhat a sungh thluahmah caah IB 380 hi van lei le ti lei bawm in a kham chih ko bu ah AA nih tlamtling tein a lak khawh.
Kahdohnak lei ah a sung tuk mi ralkap council nih Mrauk U khua ah hriamngan a kah caah mipi 3 an thi i mipi inn 20 leng a kaang, cubantuk in Ramree khua zong ah kahdohnak um lo pi in ralkap lei nih hriamngan, vanlei in kahdohnak a tuah pin ah Jet vanlawng hmang in chemical aa tel mi bom pawl a thlak tiah theih a si.
