Mindat Ah Inn 4 A Kang I A Tlaumi Ngakchia An Hmuh Than Cang
Salai CungCung|2019 March 23| March 22 zan suimilam 11:00 hrawng ah Mindat khua BEHS- No.3 sianginn pawng U Pawng Thang Naing inn, U Ma Na Hung inn, U Ha Thang inn le U Sui Thang inn tiin inn pa 4 a kang, a tlaumi ngakchia pakhat zong zingka ah an hmuh than cang tiah kan theih.
Hi inn kanghnak cu U Pawng Thang Naing inn in aa thawk i zeitin a kangh ti cu a fiang rih lo tiah kan theih.
Inn a kangmi inn 3 cu minung an him dih nain U Pawng Thang Naing a fapa taang 5 kai lio mi cu tuan ah an hmu lo. Asinain, khua a dei hnu ah a pa inn ah nungdam in an va hmuh than.
‘Kan i hngilh lio pi ah inn kangh thawng cu kan vun theih i kan zoh tik cu kan inn chung mei a ngan tuk cang. Ka fa hniangbik cu ka pawm i a rannak in kan zaam. Ka fa pakhat cu ihnak khan dang ah a it i kan vun auh lai ka ti cu ka lut kho ti lo” tiah U Pawng Thang Naing a nupi nih a chim.
Hi inn kangh aa thawk cu zaan suimilam 11 hrawng in a si. Mindat khua ah hin thaal fatin te inn kanghnak hi a chuak peng tiah kan theih.
Ref: Vakok Voice
About The Author
