Mindat ah SAC ralkap le CDF-Mindat karlak ah kahdohnak a chuak

The Chinland Post | 2022 June 14 – Chin ramkulh, Mindat peng, Pukun khua ah CDF-Mindat le SAC ralkap karlak ah June 13 zaan ah kahdohnak a chuak tiah CDF-Mindat thawngthanhnak in theih a si.

SAC ralkap pawl cu Mindat in an rak ṭum i Pukun khua ah chikhat hmunhma an khuar lio, June 13 zaan sml 8:18pm ah kahdohnak a chuak tiah an langhter.

Tuzarh chungah, SAC ralkap nih Kanpetlet peng chungah kahdohnak a tuah i CDF-Kanpetlet he kahdohnak a fak. Ramri aa tlaimi Mindat zong SAC nih kahdohnak a tuah khomi a si caah kahdoh ding in timhcia kan si tiah CDF-Mindat hriamtlai cheukhat sin in theih a si.

June 13 kahdohnak thil sinning fiang tein theih a si rih lo caah hlathlai lio a si tiah CDF-Mindat nih a thanh.

SAC nih June thla thok in Mindat khuachung ah thazang tampi in cawlcanghnak a tuah. June thla zarhkhatnak ah kahdohnak a chuak rih lo. Mindat he aa tlaimi Kanpetlet peng chungah tu ah SAC nih thazang tampi in kahdohnak a tuah caah Mindat lei zong a peh khawhmi a si tiah CDF-Mindat nih June 11 ah ralrinnak a ngeih.

A luancia May thla chungah CDF-Mindat nih Matupi in a raami SAC ralkap mawṭaw thluan cu voi tampi an rak bawh hna caah SAC ralkap a thimi an rak tam.

Na ruahning rak langhter ve.. (Leave a comment)

%d bloggers like this: