Mindat kahdohnak ah hngakchia pakhat le CDF-Mindat hriamtlai pakhat an nunnak a liam

The Chinland Post | 2022 June 30 – Chin ramkulh, Mindat peng ah SAC ralkap le CDF-Mindat cu June 29 ah kahdohnak a chuak i CDF-Mindat hriamtlai pakhat hriamngan nih a khen i a kirnak lam ah a nunnak a liam tiah CDF-Mindat thawngthanhnak nih a langhter.

CDF-Mindat hriamtlai pakhat zong fak tuk loin aa hliam tiah theih a si. June 29 zinglei ah Mindat khua ah a ummi SAC ralkap battalion 274 nih Madat khua lei ah hriamngan voi 6 a kah ruangah kum 14 hngakchia pakhat a nunnak a liam. A nunnak a liammi hi SAC ralkap hriamngan ruangah a ke khatlei a bulmi hngakchia i a u zong a si.

Mindat peng, June 29 zaanlei sml 2 hrawng ah voikhat, zaanlei sml 3 hrawng ah voikhat tiah kahdohnak a chuak i SAC ralkap 4 an thi tiah CDF-Mindat nih a thanh.

Na ruahning rak langhter ve.. (Leave a comment)

%d bloggers like this: