Mindat Khua NLD Zung Saknak Ngolchung Dingin Sipin Nih An Kham

0

TCP-Thantlang| 2019 August 12| Chin ramkulh, thlanglei Mindat khua NLD zung saknak ding hmunhma ah vawlei tangin ti a chuah caah inn sak rih lo dingin sipin nih caan karlak an kham hna tiah kan theih.

Hi an saknak hmun cu San-piah sang, Pu Vum Thu Maung lam, vawlei hmunhma (64) zawn ah a si i inn sak an timhnak hmun a tanglei in ti a put caah caan karlak ngol chung dingin sipin nih August 9 ni ah ca an chuah hi a si.

“Ti chuahnak hmunhma a si caah tuanvo ngeitu hna nih voi tampi zohfelnak kan rak tuahmi a si. Asinain mah lio ah cun thal caan a si caah ti a put rih lo. Sak dingin nawl kan pek hna hnu ah ruahpi a sur i vawlei tangin ti a put hi a si. Cucaah ti a chuah peng rih caah sak thai lo khawh zong an fawi” tiah sipin Committee lutlai nih a chim.

Hi inn sak dingin sipin nih August 6 ah sak dingin nawl a pek hna hnu August 9 ah caan karlak sak rih lo dingin an kham than hna hi a si. Cucaah hi hmun cu ti a put lengmang caah khuami zong nih zung sak lo dingin an rak kham bal mi zong a si tiah kan theih.

(Ref: The Voice)

About The Author

Na ruahning rak langhter ve.. (Leave a comment)

%d bloggers like this: