Mindat Khuachung Ah January 3 Thok In Hriamnam Ken An Khap Cang
TCP-Thantlang| 2019 January 5| Mindat khuapi chungah hriamnam, (li le thal, namte tibantuk) mi sawhsawh nih i kan tawnmi cu January 3 thok in i ken ti lo dingin an khap cang tiah pengukzung bawi minsen thutnak in nawl an chuah cang.
An khuachung ah daihnak, remnak le pakhat le pakhat i dawtnak a len khawhnak ding caah a tubantuk in an khap hi a si.
“Hi nawl an chuahmi cu Biaknak lei puai le ni sunglawi tibantuk ni lawngah hman le i ken khawh a si lai pin ah nawl pek hnu lawng ah i ken khawh a si fawn lai. Nawl ngai lo in hriamnam aa ken mi cu 1948 kum Chin Act upadi poh-mah 34 (6) ning in dantatnak pek an si lai” tiah Mindat khuami Salai Aung Law Ha nih a chim.
“Hi bantuk in nawl an chuah hi a tha tuk, tha zong ka pek hna. Voikhat ah Cycle i cit bu in meithal an i kenmi cu an thlak sual i a puak i vampang awnglak in a khen. Pakhatkhat an i sik/velh tawn zongah hriamnam an i bochan ngai hna. Tuandeuh zongah nam i sawhnak tiang a rak chuak bal” tiah a biapeh ah a chimchih.
Ref: Zalen
About The Author
