Mindat Khuami Nih Vice President Sinah Thil Phunli An Hal

0

TCP-Thantlang|2019 April 29| Vice President Pu Henry Van Thio cu Mindat khua a phak lio ah khuami 417 minsen thutnak in thil phunli an hal tiah kan theih.

  1. Khuachung lam kauhnak kong rianrang tein tuahpiak ding le Budget chiahpiak colh ding.
  2. Electric zung kongkau caah chiahpiak ciami sing 306 le cinthlaknak zung kongkau caah chiahmi sing 253,056 cu Budget tlangtar thlen lo a sining kel tein Tender auh ding.
  3. Chin ramkulh cozah chungah a cangmi eihmuarnak kongkau fakpi in dohpiak ding le
  4. Rampi nih nawlchuahnak 1/2017 Tender zulhphung zul lo in cozah zung le Company pawl fakpi in dantat ding kong hi ca in an pek.

“Hi thil pawl hi tuahpiak dingin kan halmi hna a si i a kan tuahpiak lai ti zong zumhnak ka ngei. Vice President nih na kan tuahpiak lai tiin minung 417 nih min kan thut i kan pek” tiah Mindat khua zatlang bu a si mi Salai Mang Om nih a chim.

Tutan Vice President cu Kanpetlet, Mindat, Matupi, Hakha le Thantlang ah a tlawng tiah kan theih.

About The Author

Na ruahning rak langhter ve.. (Leave a comment)

%d bloggers like this: