Mindat-Matupi lam kal rih lo ding in CDF-Mindat nih a thanh

0

The Chinland Post | 2022 July 19 – Chin ramkulh, Mindat-Matupi lam cu July 19 thok in mipi hna nih kal rih lo ding tiah CDF-Mindat nih a thanh i thawngthanhnak a zul lomi cu faak piin dantat nan si lai tiah ralrinnak a thanh chih.

SAC ralkap mawṭaw 100 leng cu Laitlang lei ah an rak kai caah atu bantuk in ralrinnak a thanh hi a si.

“Thawngthanhnak a zul lomi cu CDF-Mindat nih faak piin a zizut a si lai i khawndennak a um zongah zeihmanh tlangtlak a si lai lo” tiah CDF-Mindat nih fiang tein July 18 ah a thanh.

July 17 ah Pakokku in a rak chuakmi SAC ralkap mawṭaw pawl cu July 18 zaanlei ah Kyaukhtoo khua an phan cang i Kyaukhtoo an lonh a si ahcun Laitlang chung an lut cang lai.

Hmanthlak- March 24 ah Kyaukhtoo in Mindat lei ah a rak kaimi SAC ralkap mawṭaw

About The Author

Na ruahning rak langhter ve.. (Leave a comment)

%d bloggers like this: