Mindat-Matupi lamcung kahdohnak ah SAC ralkap 35 an thi, CDF-Mindat nih bom an puah hnawh hna

The Chinland Post | 2022 April 2 – Mindat in Matupi lei ah a kalmi SAC ralkap mawṭaw thluan 83 cu March 29 ah CDF-Mindat nih bom an puah hnawh hna caah cuni kahdohnak lawngah SAC ralkap 15 an thi i tampi nih hliamhma an tuar tiah CDF-Mindat sin in theih a si.

Cu ralkap mawṭaw thluan ahcun, SAC ralkap 250 hrawng an tel caah kahdohnak a fak rih kho men tiah CDF-Mindat in biachimnak nawl a ngeitu nih Yangon Khit Thit ah a chim.

Mah SAC ralkap mawṭaw thluan 84 cu Matupi Byu-ha ah eidin chanding in a kalmi an si i Mindat in an chuah lioah CDF-Mindat nih an kah hna hi a si.

SAC ralkap mawṭawl thluan donding ah a kalmi SAC ralkap pawl cu Chanpyan khuathar pawngah CDF-Matupi nih an kulh hna i an kah hna caah SAC ralkap 20 hrawng an thi tiah Khit Thit thawngzamh nih a langhter.

Na ruahning rak langhter ve.. (Leave a comment)

%d bloggers like this: