Mindat Peng Covid- 19 Hrik Ngei Mi (15) Siizung In An Chuak

Salai Bawi Lian Sang|TCP-Kalay| October 13, 2020| Chinram kulh Mindat peng ah Covid-19 hrik ngei mi minung 15 cu October 12, 2020 ni siizung in an chuak tiah thawng theih a si

Siizung tum nak Facility Quarantine certificate cu Penguk lutlai nih a pek hna. Mah Covid-19 Hrik ngei mi (15) cu tuan ah Yangon in a rak tlungmi covid-19 hrik ngei (3) he aa pehtlaimi mi an si caah September (28) ni Swab Test nak in hrik hmuh an rak si..Nihin October 12 ah hrik ngei positive (2) lawng an si cang.

Covid hrik ngei hna an umnak Nitlak lei sang minung(5), Hilawng khua minung(3) le Sanpiah sang minung(7) an dihlak(15) cu Facility Quarantine nitling ummi an si I Swab test tik zong ah negative an si caah siizung in tum ter an si. October 12 tiang ah Facility Quarantine lutmi (43) le lunghrinh minung(3) an um rih.

Mindat pengkulh Covid-19 Facility Quarantine center cu Sizung riantuan mi umnak Dothnih inn, Siangsangrun No (1), Siangsang run No.(3) le Jesuh Shwe Hna Lung Tha biakinn hmun ah chiah an si. Mindat pengkulh Covid-19 pulrai runven nak committee chungtel U Ki Khui Shine nih “Thil petu an um tik ah voucher tha te in kan pek hna. Nizan tiang ah thilpe tu (32) an um i Kyat (3,695,000) a chuak cang. Pumpak ra in an kan pek kho lo zong ah Wave Money in an kan pek mi zong an um” tiah a chim. Crd; Zaw Win Naing/Kui Shine Maung(IPRD-Mindat)