Mindat Peng Covid- 19 Hrik Ngei Mi 16 An Um Mi 101 Facility Quarantine An Chiah Hna

Salai Bawi Lian Sang|TCP-Kalay| 2020, September 29| Chinram kulh Mindat peng ah Covid hrik ngei mi 16 cu nizan September 29, 2020 zan in thawng theih a si. September 20 lio ah Covid hrik ngei 3 he aa pehtlaimi mi(101) Facility Quarantine Centre(4) ah an rak chiah hna.

Mindat pengkulh Sizung riantuan mi umnak Dothnih inn, Siangsangrun No (1), Siangsang run No.(3) le Jesuh Shwe Hna Lung Tha biakinn hmun ah chiah an si. Pa (52) le Nu (49) dihlak ah (101) an si. Pengkulh Sizung uk Dr. Zaw Win Naing nih Facility Quarantine chiah mi (61) Swab test an tuah hna tik ah mi (16)positive hrik ngei an hmuh hna cu a si tiah a chim.

Mindat pengkulh Covid-19 pulrai runven nak committee chungtel U Ki Khui Shine nih “Thil petu an um tik ah voucher tha te in kan pek hna. Nizan tiang ah thilpe tu (32) an um i Kyat(3,695,000) a chuak cang. Pumpak ra in an kan pek kho lo zong ah Wave Money in an kan pek mi zong an um” tiah a chim.

Crd; Zaw Win Naing/ Kui Shine Maung (IPRD-Mindat)