Mindat peng hmun 4 ah kahdohnak a chuak, SAC ralkap nih mipi tangka sing 100 leng an lak

0

The Chinland Post | 2022 June 16 – SAC ralkap le CDF-Mindat cu hmun 4 ah kahdohnak a chuak i SAC ralkap nih Mindat mipi inn chungah luh hnawh in inn ngeitu an velh hna lengah tangka sing 100 leng an lak tiah Mindat hmunhma thawngzamh nih June 15 ah an langhter.

June 15 kahdohnak ah SAC ralkap bawi pakhat telh in ralkap a thimi an tam i hliamhma a tuarmi an tam tiah theih a si. Cun SAC ralkap nih Pastor pakhat an tlaih i June 15 tiang ah thlah a si rih lo.

June 15 zinglei ah Latmon khua in a rak kirmi SAC ralkap nih Kyantaw khuami 6 an tlaih hna. Chun zongah SAC ralkap nih Mindat khuachung ah hriamngan kah thlorh in an kah tiah theih a si.

Chun sml 1 hrawngah Mindat khua hnulei Kanpetlet lamṭhen ah a ummi inn cu an bauh i hmunhma an khuarnak tiah theih a si.

About The Author

Na ruahning rak langhter ve.. (Leave a comment)

%d bloggers like this: