Mindat peng, mipi uknak phu, biaceihnak zung nih kumkhat chungah sualnak 120 leng a zohfelnak khawh

0

The Chinland Post | 2022 October 17 – Chin ramkulh, Mindat peng, kumkhat chungah mipi uknak phu – biaceihnak zung nih sualnak 120 cu tlamtling tein a zohfel khawh tiah Mindat peng mipi uknak phu Secretary nih People’s Spring ah a chim.

Mindat peng ah peng ṭhen 9 a um mi chung in ṭhen 5 ah 2021 July 7 thok in biaceih hram an thok.

“Laiphung ning tein kan tawlrel, mithahnak, khat le khat i rem lonak, an i entainak hna a um ahcun peng biaceihnak phu sin ah an rak kai. Peng biaceihnak phu le palek phufonh in tette ṭha tein an khawmh i an zoh, cun Article an bunh hna i sual an phawt hna” tiah a chim.

Peng kip cu Laiphung ning tein tawlrel an si i cu nih a tlamtlinh khawh lomi cu Mindat peng mipi uknak phu – biaceihnak zung nih bia a khiah.

Peng biaceihnak nih bia a khiahmi sualnak 8 chungah mithahnak 1 aa tel tiah Mindat peng mipi uknak phu nih an thanh.

Asinain thihnak nawl (Death Penalty) pek cawlh loin peng level nih bia an khiah i Union level in zohfel ṭhan a si lai tiah a chim.

About The Author

Na ruahning rak langhter ve.. (Leave a comment)

%d bloggers like this: