Mindat Peng Ni 3 Chung Kahdohnak Ah SAC Ralkap 21 An Thi
The Chinland Post | 2023 June 19 — Chin ramkulh, Mindat peng, ni 3 chung ah a cang mi kahdohnak chung ah SAC ralkap 21 an thi tiah CDF-Kanpetlet nih an thanh.
May 29 ah Mindat khua in a rak chuak mi SAC ralkap pawl cu zaanlei sml 2:00pm-3:00pm kar ah voikhat, zaan sml 8:00pm ah voikhat tiah an kah hna i SAC ralkap 15 an thi tiah theih a si.
May 28 ah Mindat khua in a chuak mi SAC ralkap pawl bomrap an puah hnawh hna, SAC ralkap 3 an thi, May 25 zong ah Mindat-Kyaukhtu lam in a rak kai mi SAC ralkap pawl bomrap an puah hnawh ṭhan hna i 3 an thi tiah theih a si.
Kahdohnak chung ah CDF-Mindat, CDF-Kanpetlet, Gangaw pengkomh B13 (The Youth Force) le Gangaw pengkomh B08 hna bawm in SAC ralkap pawl an doh hna hi a si tiah CDF-Kanpetlet nih an thanh.
