Minister Pau Lun Min Thang; Operation Aa Tuahmi Mizaw Tangka Kan Halter Hna Lo

The Chinland Post| 2019 August 22| Hakha sii-inn ah operation aa tuahmi tangka an hal hramhram hna timi biahalnak kong ah Chin ramkulh Social Affair Minister Pau Lun Min Thang nih phungning in mizaw sin ah tangka kan halter bal hna lo tiah a chim.

The Chinland Post in tuanvo ngeitu pakhat nih, ‘Hakha sii-inn ah operation aa tuahmi ks. 30,000 in 50,000 kar an laak hna. Cucu, riantuantu hna nih siibawi (operation tuahtu) caah tiin hramhram in an hal hna. Zeiruang ah dah hi zatzat an hal hna, zeicah ahdah an hal hna’ tiah biahalnak a tuah.

Minister Pau Lun Min Thang

“Ramkomh cozah nih sii lei bawmhnak pekmi budget hi an thumh i riantuantu umnak inn (quarter) saknak tu hi biapi ah an chiah. Cu ruang ah sii lei kongkau ah harsatnak tampi kan tong. Hakha sii-inn riantuantu hi tualchung mi zong an um bantuk in a cheu siibawi cu kumkhat a rak tuan i aa thial thanmi zong an um. Hakha sii-inn operation i tuahnak le a dangdang kong zong ah phungning in mizaw hna sin ah tangka kan halter bal hna lo. Annmah le ti khawh tawk te in a hlu tu nan pekter hna lai tiah nawl kan pek hna in bia kan cah lengmang ko hna” tiah Chin ramkulh Social Affair Minister Pau Lun Min Thang nih bialehnak a tuah.

“Cun, sii-inn tuanvo ngeitu hna zong nih hramhram in tangka kan hal hna lo, ahlu tu kan pekter hna an ti. Mikip an ngandamnak ding zalongte in an i thlopbul cio khawhnak ding hi ngandamnak ministry zung nih kan kalpimi policy a si. Mizaw sin in tangka hal hrimhrim lo ding le dawtnak taktak he mizaw thlopbul ding in bia kan cah peng ko hna” tiah a chimchap.

Leave a Commnet

%d bloggers like this: