Minthang Lai Ral Lungphun 2020 Kum Chin Miphun Ni Ah Hunnak Tuah Ding Timhtuahnak An Ngei

0

Minthang Lai Ral Lungphun kongah Lai Chiatthat Bu Yangon le Chin State Cozah rianngeitu Tonnak/ fb

Salai CungCung|2019 September 2|Hakha ah minthang Lai Ral Lungphun ding in August 28 zungkip fonh Sipin zung ah Hluttaw Speaker Pu Zo Bawi le Upadi bawizik Pu Sonny Thang Cung telh in, Hakha khuanu khuapa, Yangon chiatthat bu, Sipin committee pawl tonnak an ngei i ralkap tidil pawng ah 2019 December thawk in 2020 Chin Miphun Ni ah hunnak tuah khawh ding in timh tuahnak an ngei tiah kan thieh.

“August 28 ni ah minthang Lai Ral Lungphun, phun ding ah Committee kan ser. Hi lungphun nak ah hin cozah sin tangka bawmhnak hal lo in kan mah Minphun a si mi, Miphun le ram caah nun siangmi ramchung, ramleng sin ah mah le si khawh tawk  bawmh kan hal hna lai . Hi lungphun cu Sipin Engineer nih Design an suai lai i a tlawmbik pee 30 a sang lai.  Cungbik ah Minthang Lai Ral lungphun tiin kan tial lai i  a tang ah Lai ralkap pawl 80 leng a rak thi mi le thongtla mi pawl vial te kha an min  rolung ah kan tial dih hna lai kan ti. Hi  lung phunnak ding ah kan mah kan i timh ning ah cun Sing 250 le Sing 300 kar hi dih seh law ti in timh tuahnak kan ngei. Hi bawmhnak hal mi ah hin kan mah Laimi phunchung lawng in a si lai” tiah Minthang Lai Ral Lungphun Committee Chairman Pu Thla Hre nih The Chinland Post ah a chim.

“Hi lungphunnak ding ah hin kei mah, Hluttaw Chairman Pu Zo Bawi, Advocate Genral Pu Sonny Thang Cung, Yangon chiatthat bu hna he Ralkap Tidil ah a hmun kan va zoh i a hmun zong kan thim cang. Hi lungphun kan tuah mi cu ramdang lei a rak tlung mi hna siseh, kan mah ramchung kan fale nih pupa tuanbia tiin an zoh khawh nak hnga kan timh mi a si. Hi lungphun kan tuah hnawhchan nak a ruang bik cu, Lai ral a doh taktak mi hi Hakha kan si, thawng a tla mi le a thi mi a tambik zong hi Hakha kan si, khuadang ah cun mah tluk in a doh mi cu an um lem lo, nain khuadang ah cun lungphun an tuah dih cang, a doh tak mi a si lem lo nain, kan nih cu pumpek in a doh mi le thongtla zong tampi an um, thongchung a thi mi zong an um, cucaah kan tuanbia hi a tlau sual lai ti kan phan caah tubantuk in kan tawlrelnak hi a si” tiah Pu Thla Hre nih a chim chap.

Hi lungphun ding ah Committee chungtel hna cu; Chairman ah Pu Thla Hre, Vice Chairman ah Pu Ngun Sang Aung le Pu Tial Ling, Secretary Pu  Khin Maung Win, Assistant Secretary Pu Chum Ling, Treasurer Pu Tam Aung Shing, Joint Treasurer Pu Lian Iap, EC chungtel ah minung 10 an si tiah kan theih.+++

 

About The Author

Na ruahning rak langhter ve.. (Leave a comment)

%d bloggers like this: