Minung 189 An Thihnak Vanlawng Aw Record Tuahtu Seh Rili Tang Ah An Hmuh Cang
Tawk Tling Thang| 2019 January 15| 2018 October 29 ah Indonesia ram nitlak lei rili chung ah a tlami Lion Air line in Jet vanlawng i Cockpit timi aw record tuahtu seh cu January 14 ah kan hmuh cang Indonesia nawlngeitu hna nih an chimphuan.
Hi vanlawng a tlak chung ah vanlawng aa citmi khualtlawng minung 189 an thi tiah Indonesia ram Phorhtlunnak lei vuanci zung in chimnak nawlngeitu Hengky Angkasawan nih Xinhua ah a chim.
Vanlawng mongtu khaan chung i aw record tuahtu seh (CBR) cu kan hmuh cang tiah Indonesia phorhtlunnak le humhimnak lei committee lutlai chang tu nih a chim.
Aw record tuahtu set cu rili chung nawncek tang meter 8 a thuhnak ah kan hmuh tiah Indonesia tilei ralkap chimnak nawlngeitu nih a chim.
Vanlawng a zuanning record tuahtu set zong a luancia November thla ahkhan an rak hmuh cang. Thil sining (data) pawl felfaite in chakhlat khawhnak ding ah tu hnu thlaruk hrawng caan laak chap rih a hau kho tiah tuanvo ngeitu hna nih an chim.
Ref: Myanmar Times, Xinhua News
About The Author
