Mipi A Za Leng Thla 6 Chung Ah Bomrap Ruang Ah An Thi Cang
The Chinland Post | 2024 August 23 — Myanmar ramchung ah bomrap ruang le a puak kho mi kahdohnak thilri tantak mi pawl ruang ah 2024 January thla in June thla tiang thla 6 chung ah mipi 102 an thi cang tiah UNICEF nih July thla report ah a langhter.
Bomrap ruang a thi mi chung ah hngakchia 43 zong an i tel tiah an thanh.
Thla 6 chung ah hliam a tuar mi 590 tiang an phan cang i 2024 kum cheu tiang a thi mi hi 2023 kum lio a thi mi chung in 66% a phan cang tiah an ṭial.
Bomrap ruang ah a thi mi chung in Shan ram hi a tam bik an si i a thi mi minung 20 le hliam a tuar mi 140 leng an si tiah an thanh.
Kahdohnak a fah cuahmah lio ah atu bantuk in bomrap le a puak kho mi kahdohnak thilri pawl puahkehnak hi atu le atu a cang tawn i SAC ralkap nih hmunhma an khuar nak le khuachung sakhaan pawl ah kaltak cang bomrap pawl i ralrin ding in tlangcung hriamtlai phu pawl nih an thanh lengmang.
About The Author
