Miss Queen Empire Myanmar 2019 Winner Cotu Zing Dawt Cer Malaysia Ah Aa Zuam Than Lai

0

Tawk Tling Thang | 2019 July 3| 2019 June 2 zan, Mandalay ah tuahmi Miss Queen Empire Myanmar 2019 zuamnak ah winner a cotu Mai Zing Dawt Cer @Aa Dawt cu aralaimi December 1-8 tiang Malaysia tuahdingmi Global Man & Women International 2019 zuamnak ah Myanmar ram aiawh in aa zuam than lai tiah kan theih.

Global Man & Women International 2019 muidawh zuamnak cu aralaimi December 1-8 tiang Kota Kinabalu, Sabah, Malaysia ah a si lai.

Mai Zing Dawt Cer hi Kalaymyo Town hall ah tuahmi Mister & Miss Universe Academy 2019 zuamnak ah Kalaymyo aiawh in winner cotu a si.

Kalay zuamnak ah lio ah minung 19 an i zuam i cu chung in minung 6 kha June 2 zan Mandalay ah tuahmi Miss Queen Empire Myanmar 2019 ah pehzulh in an i zuam than i Mai Zing Dawt Cer nih winner pin ah laksawng dang phunthum a hmuhchih. Cu hna cu; Style (Style a thiam bik), National Costume (Miphun thuamthil hmuhsak thiambik) le Popular (mizapi nih uar bikmi) laksawng an si.

Hi miss zuamnak cu Myanmar Universe Academy Pageant Production nih a tawlrelmi a si.

Mai Zing Dawt Cer hi Chin Christian University in BBA degree a la cangmi a si. Amah hi fashion lei a zuammi le a uarmi a si. Amah hi Pu Thang Pi le Pi Sui Cia fanu, Hakha khua ah khua a sami an si.

Kalay ah aa zuam i teinak a hmuh hnu ah Kalay aiawh in Mandalay ah aa zuam than i Myanmar ram pumpi huap in teinak a hmuh hi a si. Cu ruang ah aralaimi Malaysia zuamnak tuah dingmi ahcun Myanmar rampi aiawh in aa zuam lai tiah kan theih.

About The Author

Na ruahning rak langhter ve.. (Leave a comment)

%d bloggers like this: