Mizo Nu Pawl Miphun Dang Vat Ahcun Miphun Sinak Hnon Ding In YMA Nih An Hal

Hakha-TCP| 2018 Tho 22|  India ram um, Mizo nu pawl nih miphun dang pa an vat hna ahcun miphun sinak hnonpiak ding in miphun kong a tanh ngaimi phu YMA (Young Mizo Association) phu nih halnak cathanh an chuah.

A luancia October 19 ahkhan YMA cu conference an dih i India ram um Mizo nu hna nih miphun dang an vat ahcun miphun sinak hnonpiak ding in biakhiahnak an tuahmi cu ramkulh cozah nih upadi ah chiahpiak ding in a rauh hlan ah kan chuahpi lai tiah cathanh ahcun an langhter.

Hi kong he pehtlai in Chin Miphun Tuanbia hlathlaitu Saya Salai Ro Sang nih, “Indian he thicawh an duh lo hi sual ah ka chia lo nain miphun dang (tribal) hna vat/thit-umnak nih a hnorusan khawh. Nu pakhat i a covo hi dengteo in a hnorsuan, a tlaihhip. Hiti an tuahmi aiah Non Mongolian kha upadi phunkhat in an kham i Mongolian Hill Tribe thit/vat ahcun fanu/fapa hna zong Mizo caholh an thim ahcun Mizo sinak an halpiak hna awk a si. Kachin si ahcun Kachin nu pawl a thitu midang zapi kha Kachin min pek i innchungkhar ah an khumh. Atu cu an chungchuak an farle pawl innchungkhar in an thawldawi hna bantuk a si” tiah amah social media cahmai ah a hmuhning a langhter.

Hi biakhiahnak hi upadi pakhat ah fehter a hung si taktak ahcun miphun dang he aa thi-ummi Mizo miphun pawl zohthan le chek than an hau lai.
Ref: thenourtheasttoday/ Khonumthung

Na ruahning rak langhter ve.. (Leave a comment)

%d bloggers like this: