Mizoram Ah Mitmu Hlutu Minung Thong 6 Leng An Si Cang
Salai Cung Cung |2018 August 12| Chin ramkulh he ramri a si mi Mizoram ramkulh chungah mitmu hlu tu minung thong 6 leng an si cang tiah kan theih.
August 25 in September 8 tiang Mizoram ah avoi 33 tlinnak ‘National Eye Donation Fortnight’ zong an tuah tiah The Aizawl Post nih a langhter.
Cu ni le caan chungah cun Mizoram ramkulh chung um MUP, YMA le MHIP phu hna nih khua kip ah va kal in Sianginn ah le University hna ah awareness Campaign an va tuah i mitmu hlu tu minung 1,145 pawl telh in Mizoram chungah mitmu hlu tu minung 6,513 an si cang tiah kan theih.
Mizoram khualipi a si mi Aizawl mipi sii-inn ah Eye Bank cu 2018 July 31 in hun nak an tuah i cu 2018 July in 2018 September 6 tiang ah an thih hnu ah mitmu hlu tu ding ah cazin an pek cang mi hi minung 5,368 an si , Mitmu thlen ding a herh mi minung 314 an si. Tu ni tiang thih hnu ah mitmu hlu tu hna hi minung 348 an si cang tiah kan theih.
Ref. Khonumthung
About The Author
