Mizoram ah puahkehnak thilri a phormi Chinmi 2 an tlaih hna
The Chinland Post | 2022 August 12 – India, Mizoram, Aizawl khua in a chuakmi mawṭaw pakhat cu August 10 ah Mizoram palek nih zohfelnak gate ah an diter i zohfelnak an ngeih lioah puahkehnak thilri tampi he an tlaih hna tiah Mizoram palek phu nih an thanh.
Mawṭaw a mawngtu Mizorammi telh in mawṭaw cungah Thantlang peng le Hakha peng ah a ummi Chinmi pa 2 zong tlaih an si tiah theih a si.
Mawṭaw cungah puahkehnak thilri a simi Gelatine Neo Gel 7,800, Detonator 4,063, Fuse hri 700 meter hna tlaih an si tiah a langhter.
August 9 zongah Mizoram, Aizawl ah Myanmar rammi pakhat cu rupee sing 32 man a simi Cocaine 63.43g he Mizoram palek nih an rak tlaih cang.
About The Author
