Mizoram Ah Tuan Kil Cu Mizoram CID Palek Nih An Tlaih Cang
The Chinland Post| 2018 Tho 25| Dr. Sui Hingz he sing 4130 Kyats buaibainak ruangah Dr. Sui Hingz nih riantuan hawi anau Hauza le a hlanmi Kawl (4) nih thah an ka timh ruangah ka zam a titu Tuan Kil Cu October 24, 2018 zanlei ah Mizo Criminal Investigation Department (CID) le Young Mizo Association (YMA) hna nih ka tlaih cang tiah thawng kan theih.
Mizoram CID palek nih taza an cuai i October 25, 2018 zanlei 1:00pm ah Biaceihzung nih biahalnak an tuah lai tiah thawng theih a si.
Hi kong he pehtlai in Tuan Kil anau nu nih Dr. Sui Hingz nih minung (4) an tlaih cang hna tiah Chin World a chimmi kha ahohmanh an kan tlai lo. Thawng dik lo a si. A tu Aizawl an tlaihmi kong zongah thaizing biahal an timh. Cucaah thawng fiang deuh thaizing ah kan ithanh than te lai” tiah The Chinland Post ah a chim.
Chin World nih October 16 ah Dr. Sui Hingz biachimmi cherhchan in Tuan Kil chungkhar minung pali an tlaih cang hna tiah an thanh. Lai media cheukhat zong nih Chin World cherhchan in thawng an thanh cio tiah theih a si.
Tuan Kil nih Sing 4130 Kyats a ka hlen tiah Dr. Sui Hingz nih a tilio ah Tuan Kil nih Sing 14,000 kyats Dr. Sui Hingz nih a ka bat tiah buaibainak an ngei. Tuan Kil nih tangka pek chanhnak tuah an timh lio ah Dr. Sui Hingz fialmi minung 5 nih thah an ka timh a ti caah Tuan Kil cu September thla hramthok ah India ram Mizoram Aizawl lei ah a zam i a tu bantuk in Mizoram Palek CID nih an tlaihnak hi a si tiah thawng kan theih.
Hika ah video an i chawnhnak zoh le ngaih chap khawh a si.
About The Author
