Mizoram Pengkip Ah Chin Relief Society Branches An Chiah Lai

Hakha-TCP |2018 November 14|ย Mizoram ramkulh pengkip um harnak a tongmi Chinmi bawmhnak ding ah Mizoram cozah le UGO nih Mizoram pengkip ah Chin Relief Society Branches zungthen an chiah lai tiah Chairman Pu K.Thangkhuma nih a chim.

Hi Mizoram Chin Relief Society chiahnak ding ah hin Mizoram khualipi Aizawl Lai House ah General Body Meeting cu November 10 ah an ngei i hmailei an riantuan le cawlhcangh ning an ngei tiah kan thieh.

Hi kong he pehtlai in Chin Relief Society Chairman Pu K.Thangkuma nih, โ€œMizoram pengkip ah Chin Relief Branches zungthen chiah ding biakhiahnak kan ngei. 2019 ah lim dih ding in kan ti. Hi rian cu kan dirhnak a sau rih lo caah tangka lei chambaunak a um ruang ah rianrang tein kan tuan kho rih loโ€ tiah a chim.

Mizoram Chin Relief Society Bu cu 2017 October 10 in rak thawk mi a si i hi bu an dirh chan cu Mizoram um Chin miphun hna chiah ni that ni ah i bawmh khawhnak ding ah tuahmi a si tiah kan theih.

Tu lio Mizoram Chin Relief Society Bu cu member 400 hrawng an si i member luh man hi kumkhat ah India tangka in 100 a si tiah kan theih.
Ref: Khonumthung

Na ruahning rak langhter ve.. (Leave a comment)

%d bloggers like this: