Mizoram Pengkip Ah Chin Relief Society Branches An Chiah Lai
Hakha-TCP |2018 November 14| Mizoram ramkulh pengkip um harnak a tongmi Chinmi bawmhnak ding ah Mizoram cozah le UGO nih Mizoram pengkip ah Chin Relief Society Branches zungthen an chiah lai tiah Chairman Pu K.Thangkhuma nih a chim.
Hi Mizoram Chin Relief Society chiahnak ding ah hin Mizoram khualipi Aizawl Lai House ah General Body Meeting cu November 10 ah an ngei i hmailei an riantuan le cawlhcangh ning an ngei tiah kan thieh.
Hi kong he pehtlai in Chin Relief Society Chairman Pu K.Thangkuma nih, “Mizoram pengkip ah Chin Relief Branches zungthen chiah ding biakhiahnak kan ngei. 2019 ah lim dih ding in kan ti. Hi rian cu kan dirhnak a sau rih lo caah tangka lei chambaunak a um ruang ah rianrang tein kan tuan kho rih lo” tiah a chim.
Mizoram Chin Relief Society Bu cu 2017 October 10 in rak thawk mi a si i hi bu an dirh chan cu Mizoram um Chin miphun hna chiah ni that ni ah i bawmh khawhnak ding ah tuahmi a si tiah kan theih.
Tu lio Mizoram Chin Relief Society Bu cu member 400 hrawng an si i member luh man hi kumkhat ah India tangka in 100 a si tiah kan theih.
Ref: Khonumthung
About The Author
