Mizoram phan Myanmar ralzaam hna nih thihlut an tuah
The Chinland Post | 2022 May 19 – Mizoram, Aizawl khua ah Myanmar ralzaam hna nih May 18 ah zapi fonh in thihlutnak an tuah tiah theih a si.
Cu thihlutnak puai ah, mipi 130 an phan kho i 100 nih thi hlut ding in min pek a si nain 48 lawng nih thi an hlut khawh tiah theih a si.
Rianngeitu pakhat nih “Thi an hlut khawh lonak a ruang cu an thitha a der tuk ruang, an rihzaan an tlin lo ruang le an ngamdam lo deuh ruangah a si tiah a chim. Hlasa thiam David Lai zong thi a rak hlu kho. Thi kan hmuhmi vialte Aizawl sii-inn pi ah kan hlut” tiah achim.
Atu bantuk program hi Myanmar ralzaam lei cawlcangtu pawl, Aizawl khua sii-inn pi thihlutnak, Central YMA, Dawrpui Branch YMA, Association for Voluntary Blood Donations (AVBD), Mizoram hna bawm in tuahmi a si tiah theih a si.
Myanmar ram ah SAC nih hramhram in uknak a lak hnu ah ralzaam 40,000 hrawng cu Mizoram ah dor a si i India cozah nih theihpinak a ngei hna lo nain peng cozah, biaknak lei, zatlang lei le pumpak bawmhchannak in an umṭhut a si tiah theih a si.
