Mizoram Ramkulh Thimnak Ah Miphun Party A Simi MNF Nih Bual An Co

0

TCP-Online-2018 December 11. Tuni (December 11) ni ah India ram hmun cheukhat le Mizoram hna ah thimnak an tuah i Mizoram ah cun miphun Party a simi Mizo National Front (MNF) nih bual a co ti kan theih.

Mizoram ithimnak ah thutnak 40 an i cuh i atu lio India cozah a tlaitu Party simi BJP, Party thawng takmi Congress hna zong an i zuam hna nain miphun Party nih hin thutnak hmu tam bikin bual a co hi a si. Thutnak 40 chung ah Mizo National Front nih 26, Congress Party nih 5 le tu lio India cozah a tlaitu BJP nih cun 1 lawng an co khawh.

Bual a cotu MNF Party cu Pu Laldenga nih rak hohatmi bu a si i President cu Pu Zoramthanga a si. Pu Zoramthanga hi Mizo le Chin cu unau kan si tiah a tang ngaimi pa a si ti zong kan theih.

Atu lio Mizoram Chief Minister cu Pu Lalthanhawla (Congress Party) hi Champhai le Serchhip ah ai zuam ve ko nain thutnak pakhat hmanh an hmu lo i Zoram People Movement in CM candidate Pu Lalduhawma cu aa zuamnak hmun hnih ah teinak a hmu  tiah Khonumthung News nih a tial.

Tuni India ram thimnak ah hin ramkulh hmun 5 ah thimnak an tuah hna i thuttnak a co tam biktu Party cu Congress Party an si. A tu lio India cozah a tlaitu BJP Party zong thutnak a hmu ve ko nain Congress Party cu a tei lo. Thimnak hna cu Chhattisgarh, Madhya Pradesh, Mizoram, Rajasthan le Telangana ramkulh hna ah an tuah hna ti thawng kan theih.+++

About The Author

Na ruahning rak langhter ve.. (Leave a comment)

%d bloggers like this: