Mizoram Saiha pengkomh ralzaam hna nih an mah tein sianginn an sak

0

The Chinland Post | 2022 June 13 – India ram, Mizoram State, Saiha pengkomh, Niawtlang khuate ah Myanmar ram ralzaam hna nih hngakchia pawl sianginn an kai khawhnak hnga tiah sianginn an sak tiah theih a si.

Niawtlang khuate ah a ummi ralzaam hna hi Chin ramkulh, Rezua, Matupi, Thantlang in a raami an si i chungkhar 90 leng in minung 500 hrawng an um.

Ralzaam sianginn saknak rian ngeitu pakhat nih “Khuami hna nih an hman ti lomi hall hmannak nawl an kan pek. Hall a cungcih le a kham tlawmpal a tang rih. A cungcihnak ding caah khuami hna nih ruahkhamnak an kan pek. Ṭhutnak, caṭialnak thilrii, cabuai hna cu mah tein i tawlrel a si. Nulepa hna nih ramlak in rua an kan sahpiak i Hall khamnak an tuah. Ṭuang hi a cin rih caah a ro tiang kan hngah rih a hau. Tu thla dongh lei ahcun cacawng kho ding in ruahchannak kan ngei. Cawnding ca pawl hi Maths, English, Myanmar hna an si lai. Cun tlangcung miphun ca zong cawn a si te lai. Middle class le High class pawl cu Mizoram cozah sianginn ah an kai. A cheu hngakchia pawl cu kai loin an um sawhsawh” tiah a chim.

Sak cuahmahmi sianginn ah KG in Grade-4 tiang chimh an si lai i hngakchia 80 leng an ummi i siangcachim 10 nih chimh an si lai.

Ref: Zalen

About The Author

Na ruahning rak langhter ve.. (Leave a comment)

%d bloggers like this: