Mizoram State Ah Febuary Thla Thok In Biakinn Pumh Khawh A Ngah Lai

0

Salai David Van| TCP-Hakha| 2021 January 18| Covid-19 zawtnak ruangah thla(10) chung  phihkhar a si mi Mizoram Biakinn pawl cu a ra lai mi February thla thok in pumh khawh nak nawl an pek cang hna lai tiah theih a si.

Aluancia 2020 march thla Covid-19 pulrai a thoknak in Mizoram state ah thla (10) chung mipi tonpumhnak nawl le Biakinn pumhnak nawl phihkhar a rak si. Atu bantuk in thla(10) chung phihkhar a si mi pumhkhawhnak nawl pek a sinak hi Mizoram chungah Covid-19 hrik ngei an zor ngai caah le a ra lai mi Febuary 16 in India Ram pumpi ah Covid-19 zawkkhamnak sii chunhnak an thok cang lai caah atubantuk in pumh khawh nak nawl an pek hi a si.

Mizoram Cozah nih February thla thok in pumh nak nawl an pek ko nain minung 200 nak tam in pumh khawmh khawh a  ngah lo pin ah niruk le zarhpini chun lawngah pumh khawh a si lai zaan pumh khawh a ngah lai lo tiah theih a si. Aluancia 2021 january 16 khan India ram ah covid-19 pulrai khamnak sii chunh hram an thok cang i ngandamnak zungah a tuanmi minung 14421 sin ah an chunh cang tiah theih a si.

Mizoram State ah hin covid-19 zawtnak a thok nak in a tutiang ah zawtnak hrik ngei minung 4323 an si i minung 4240 nih damnak an hmuh cang. Atu covid-19 zawtnak in a thlopbul lio mi hi minung 74 an si i covid zawtnak in minung 9 an thi tiah theih a si. Ref: Khonumthung

 

 

About The Author

Na ruahning rak langhter ve.. (Leave a comment)

%d bloggers like this: