MNDAA Nih NUG He Kahdohnak, Ramkhel Lei Kan I Bawm Lai Lo Tiah A Thanh
The Chinland Post | 2024 September 19 — NUG he kahdohnak lei siseh, ramkhel lei siseh i bawmhnak, kahdohnak hmunhma pawl samh in Mandalay, Taunggyi hna ah kahdohnak kan tuah hrimhrim lai lo tiah MNDAA nih September 18 zaanlei ah cathanh a chuah.
Cathanh chung ah MNDAA nih rampi ṭhawnnak lak siseh, rampi in ṭhencheunak kan tuah lai lo i a dik mi mah tein khuakhan lairennak kan hmuh khawh nakhnga ti mi hmutinh in kan dir ko lai tiah an langhter.
Cun Tuluk le Myanmar a doh mi vawlei cung phu pawl he kan i fonh hrimhrim lai lo, Tuluk nih a buai kho tuk cang mi Myanmar ram dirhmun hi a karlak in rawlrel pi ding le MNDAA zong nih kahdaihnak tuah colh in Tuluk he, lungtho tein, i bawm in buainak pawl hi cabuai cung biaruahnak in a phi kan kawl lai tiah an thanh.
About The Author
