Model Rosy Tawk Tha Par Pasal A Ngei Cang Lai
The Chinland Post| 2019 July 22| Miss Charity Queen Myanmar 2015 ngahtu le Star & Model Agency he kum (5) chung biahrennak (contract) tuah in rian a tuanmi Chin lengdawh Model Rosy Tawk Tha Par cu a ralaimi July 26, 2019 (Cacawn Ningani), Hakha ah a tlangval Joachim he thitum thlacamnak an tuah cang lai.
Model Rosy Tawk Tha Par cu Congthia khuami Pu Zung Hei le Hriphi khuami Pi Tial Bang hna i an fa hniangbik a si. Hakha ah khua a sami an si. Rosy a pasal ding Joachim cu Yangon khua ah a ummi Pu Khen Tlung le Pi Khin San Aye hna i an fa upabik a si.
Rosy le Joachim thitum thlacamnak cu July 26, Revival A.G Church- Hakha ah chun sml. 12:00pm ah an tuah lai i Rawldum tinak cu zaanlei sml. 3 in Carson Hall ah a si lai.
Chin leengdawh Rosy Tawk Tha Par @ Aa Nu Tawk cu atu lio Kawlram level in model training a kaimi le Star & Model Agency he kum (5) chung biahrennak (contract) tuah in rian a tuanmi a si. 2014 kum ah tuahmi Kawlram model camipuai a phimi 48 lakah top (8) ah aa tel.
Cun 2014 kum, Chin Literature & Culture Committee, Rangoon (CLCC) mithar donnak ah leengdawh bik Queen ah thim a si. Movie fidi bawmtu dirhmun zong in muicawl aa thla. Cu movie aa thlakmi cu Kawlram fidi minthang a simi Khaing Hnin Wai he an i thlati. Cun, fakthanhnak muicawl tete cu aa thlakmi a tam pah tiah kan theih.
Aa Nu Tawk hi mi dawh, mi tungtai rem a si. Hi bantuk tungtai aa ngeihmi hi kan Lainu ah an har ngai lai. A san hi pe 5 le letmah 8 a si. Lainu cu chim lo, Laipa hmanh pe 5.8 a tlingmi an har lai. Amah hi a-wai-tin (Distance Education) in Dagon University ah History major in degree a laimi a si.
Hika ah Chin Digest nih ton biaruahnak kan rak ngeihmi biahalnak le bialehnak pawl relchap khawh a si.
About The Author
