Moebye Ah Kahdohnak A Fak, SAC Ralkap 10 Nak Tlawm Lo An Thi
The Chinland Post | 2023 June 6 — Shan ram thlanglei, Moebye khuachung ah thazang tampi in a rak lut mi SAC ralkap le mipi hriamtlai phufonh hna karlak ah kahdohnak a fak i SAC lei 10 nak tlawm lo an thi, hngakchia 1 a nunak a liam tiah theih a si.
MBPDF B01, KNDF B03 le URF phufonh hna le SAC ralkap karlak ah June 5 zinglei in zaanlei tiang kahdohnak a fak tiah MBPDF nih a thanh.
Kahdohnak chung ah a tlawm bik SAC ralkap 10 an thi i hliam a tuar mi an um bantuk in mipi hriamtlai phufonh lei zong 2 an i hliam tiah an thanh. SAC ralkap hriam zuun 1 zong an lak khawh tiah theih a si.
SAC ralkap nih hriamngan voi 100 nak tlawm lo an kah caah kum 10 tang hngakchia 1 a nunnak a liam i mipi inn 2 a kaang tiah cathanh ah an langhter.
June 4 zong ah SAC ralkap nih Moebye khuachung ah hriamngan an kah caah mipi 2 an i hliam i June 3 zong ah pa pakhat hriamngan ruang ah a nunnak a liam.
About The Author
