Moebye kahdohnak ah phufonh hna sniper kut in SAC ralkap 3 an thi
The Chinland Post | 2022 September 23 – Shan le Karenni ramri, Moebye khuachung kahdohnak ah phufonh hna sniper kut in SAC ralkap 3 an thi tiah Moebye PDF nih September 22 zaanlei ah an thanh.
Cu leng ah Loikaw hrambunh SAC ralkap nih an kahmi 120MM chung in lung 2 cu SAC ralkap pawl hmunhma an khuarnak Moebye Settawya tlang cung ah a tla i SAC ralkap pawl a thimi an tam tiah an fehter.
September 22 zaanlei sml 2-6 tiang sml 4 chung kahdohnak a chuah hi a si i SAC ralkap lei in hriamngan an kah tiah an thanh.
“Sniper kut in 3 an thi, hmaitonh in kan i kahnak ah a thimi zong an um” tiah PDF chungtel nih Mizzima ah a chim.
SAC ralkap pawl nih thazang tampi in September 19 thok in kahdohnak an tuah ṭhan i MB PDF 1001/1007, Pekon PDF B-01, Loikaw PDF, Naypyitaw PDF, KA, KNDF, KGZ le URF phufonh hna nih an kah hna hi a si tiah theih a si.
About The Author
