Moebye Kahdohnak Ah SAC Ralkap 10 Nak Tlawm Lo An Thi, PDF 1 A Nunnak A Liam
The Chinland Post | 2023 October 10 — Shan le Karenni (Kayah) ramri, Moebye khua ah a um mi SAC ralkap sakhaan an kah i SAC ralkap 10 nak tlawm lo an thi, PDF 1 a nunnak a liam ve tiah Moebye Local PDF nih thawng an thanh.
October 9 zinglei sml 6:00am hrawng thawk in Moebye khua, Donhtuhtan sang ah hmunhma a khuar mi SAC ralkap pawl cu Moebye Local PDF, Demoso Local PDF, PDF, Loikaw Local PDF le adang hriamtlai phu pawl bawm in kahdohnak an tuah hi a si.
Kahdohnak hi sml 2 hrawng a rau i SAC ralkap 10 nak tlawm lo an thi, tampi an i hliam tiah an langhter.
PDF phufonh lei in 1 a nunnak a liam i 3 fak ngai in an i hliam, kahdohnak chung ah a nunnak a liam mi hi Pa Johan (kum 18) a si.
Atulio hi SAC ralkap nih Moebye khuachung ah a um mi Puaikone, Sika, Satdaw le Supaung khua hna ah hmunhma an khuar tiah theih a si.
