Moebye kahdohnak ah SAC ralkap 20 hrawng an thi
The Chinland Post | 2022 September 9 – Shan le Karenni aa pehnak Pekon peng, Moebye khuapawng Warisupalai khuate ah kahdohnak a fak i SAC ralkap 20 hrawng an thi, hriam tampi an lak khawh tiah Karenni’s Voice sin in theih a si.
September 8 zinglei sml 9:00am thok in zaanlei tiang Pekon peng Moebye khuapawng Wasuripalai khua in Moebye khua chungah a rak lutmi SAC ralkap le mipi hriamtlai phu karlak ah kahdohnak a fak i Moebye khuapi chung biakinn pawngah thazang 400 hrawng an raa i mipi hriamtlai phu nih an doh hna tiah theih a si.
Kahdohnak ah Moebye PDF, KA, KNDF, KRU le URF phufonh hna nih an kah hna i kahdohnak chungin methal pawl an lak khawh Machine Gun a hmemi zuun 3, RPG zuun 1 telh in hriam 10 hrawng an lak khawh tiah theih a si.
About The Author
