Mogok Ah SAC Ralkap 15 Hriam He An Tlaih Hna
The Chinland Post | 2024 July 2 — Mandalay ramṭhen, Mogok peng chung ah, Operation 1027 a del (2)nak an tuah ni 7 a tlin ni ah SAC ralkap 15 cu hriam he an tlaih hna tiah TNLA nih an thanh.
Mogok peng ah SAC ralkap pawl cu TNLA, PDF 513 phufonh pawl nih an kah hna i zarhkhat chung ah SAC ralkap hriam zuun 43 an lak khawh i palek 2 telh in ralkap 15 a tlaih hna tiah theih a si.
An lak khawh mi hriam pawl hi MA-1 zuun 1, MA-2 zuun 2, MA-3 zuun 3, MA-10 zuun 2, MA-11 zuun 3, MA-16 zuun 1, MG-64 zuun 1, 60MM zuun 2, 81MM zuun 1, RPG-7 zuun 2, G3 zuun 9 le adang kahdohnak thilri pawl zong an lak khawh tiah theih a si.
Shan ram chaklei, Nawnghkio khua um SAC MOC 1, IB 114, IB 115 le Battalion 606 hna zong TNLA, DPLA, MDY-PDF nih an lak khawh cang tiah theih a si.
Cun Mongmit peng, Nyaungni khuate zong ah TNLA le SAC ralkap karlak ah kahdohnak a fak tiah theih a si.
About The Author
