Mon Miphun Party Pakhat Lawng A Um Khawh Nak Ding Ceihmainak An Thawk Cang

Aung Aung| 2018 January 14| Mon miphun min pu in a aiawh kho tu miphun party pakhat lawng a dir khawh nak ding ah Mon Mizapi Conference cu Mon ramkulh khuahlipi Mawlamaing ah an thawk cang.

Mon miphun a kan aiawh kho tu party pakhat a dir khawh nak ding cu party cu zeibantuk tlungtlang phungphai dah a ngeih awk a si lai ti mi pawl kan ceih tiah chimrelnak nawl ngeitu Naing Soe Aung nih a chim.

Hi tonbiaruahnak ahhin Karen ramkulh, Thaningthary ramthen, Bago ramthen, Yangon ramthen ah a ummi Mon miphun pawl le ramdang um Mon miphun tiin an dihlak minung 800 tluk an kai.

Mon Pyithit party cu ngiathlai tu dirhmun in an kai nain Mon party ngan pahnih a simi Mon National Party le a dang party ngan pakhat cu an an kai lo.

Mon miphun chung in biaknak, mino, nu, tibantuk zatlangbu 11 nih cathluan relnak an ngeih i hmailei ah Mon Miphun a aiawh i a hruaitu ding Party cu zeibantuk a si lai i ho pawl dah an i tel lai timi kha biatak tein ceih an timh mi a si.

Ref:RFA Burmese