Mone peng ah SAC sakhaan 5 cu KNLA nih an lak i hriam tampi chuh an si (Muicawl)
The Chinland Post | 2022 June 7 – Karen National Union (KNU) tlaihnak hmunhma a simi Nyaunglaypin pengkomh, Mone hmunhma ah SAC sakhaan cheukhat cu KNLA battalion 3 nih a lak i hriam tampi chuh an si tiah KNU nih June 3 ah a thanh.
June 2 zinglei ah Mone peng chung ah a ummi SAC sakhaan Kyaungpya, Aunglaungsein, Kyonepinseih, Kawpin le Kyaungsuh sakhaan hna cu hmakhat te ah lak an si tiah KNU cathanh ah a langhter.
Lak a simi SAC sakhaan pawl cu mipi pawl umkalnak ah zohfelnak an tuahnak hmunhma pawl an si.
Sakhaan lak kahdohnak ah hriam tampi zong chuh an si tiah KNU nih a thanh.
Sakhaan thianhhlimnak le thil fim lioah SAC nih vanlawng le helicopter in kah a bawmh i a zaammi mipi hna zong a kah hramhram caah khuami 4 an thi i hma a pumi zong an tam tiah KNU nih a langhter.
Muicawl zohnak: https://fb.watch/e6bKw2UuY8/
