Monywa, Chindwin Tiva In A Rak Ṭum Mi SAC Tilawng An Kah Hna I 3 An Thi
The Chinland Post | 2023 September 26 — Sagaing ramṭhen, Monywa peng, Chindwin tiva in a rak ṭum mi SAC tilawng rual cu dothlennak phu pawl nih an kah hna i 3 an thi tiah Budalin-PDF (BDL-PDF) nih an thanh.
September 25 chun ah Mingin peng in a rak ṭum i Kani khua an riah hnu ah Monywa khua lei a ṭum mi SAC ralkap tilawng 5 chung ah a hnulei deuh a tang mi 2 cu Monywa peng le Budalin peng karlak ah an kah hna i 3 an thi, kahdohnak mins 20 hrawng a chuak tiah theih a si.
Kahdoh chung ah Budalin PDF, Local PDF le Monywa pengkomh B16 C3 hna an i bawm tiah theih a si.
