MP Siami Nih Kalay Peng Chung Um Sianghleiruun Pa Thum Ca Hluttaw Ah A Hlami A Tlamtling
TCP-Online| 2018 February 10| Sagaing ramthen Kalay peng in Pyituh Hluttaw palai MP Siami nih Kalay peng chung um University pathum simi Kalay University, Kalay Computer University Le Kalay University of Technology ca ah Hluttaw ah a halmi cu ramkomh fimcawnnak lei zung nih a tanglei bang in an leh.
Ramkomh fimcawnnak zung nih;
Kalay University ca: Ti a har tuk caah tikhur pakhat in cawhpiak ding. Campus chung um lam vialte kattaza phah dih ding. Rector ca inn dot hnih sak piak ding. Degree peknak hall ah Air-con, ti pipe, mei hri, meiseh hna chiah ding. Siangngakchia minung 160 aa tlum mi inn pakhat sak ding le Educational Bools hna cawk ding ti hna an si.
University of Technology ca: Lecturer umnak ca dot 4 inn pakhat sak piak ding.
Computer University ca: Lecturer umnak ca dot 4 inn sak ding. Siangngakchia minung 40 tlum inn pa hnih sak ding. Campus dihlak hau kulh dih ding. Campus luhnak lam ah kattaza phah ding le campus chung lam cheukhat zong kattaza phah ding hna an si.
Ramkomh fimcawnnak zung in MP Pi Siami biahalmi a cunglei bang bia a lehmi cu tukum April – September kar thla 6 chung ah tuahpiak dih ding in an leh ti kan theih.
Ref; Siami FB
About The Author
