MRTV Nih World Cup Puai 16 Lawng A Thlah Lai; Tuzan Russia Le Saudi Arabia An Chuih Lai
TCP-Thantlang| 2018 June 14| Russia ram ah tuah dingmi World Cup pumpululh chuih zuamnak cu puai 64 chungah MRTV ah puai 16 lawng a thlah lai. Tuzan hi Kawlram caan in suimilam 9:30 ah inntek Russia le Saudi Arabia an chuih lai. World Cup hunnak tu cu suimilam 8:30pm in an thawk lai tiah theih a si.
MRTV ah zoh khawh dingmi cu hunnak tuah lio, a dihnak tuah lio telh in group chuih puai 9, phu 16 chung sung-thuat chuih lio puai 2, Quarter Final puai 2, semi final puai 2 le final puaikhat, a zapi puai 16 an si lai tiah MRTV nih June 13 ni ah theihternak a tuah.
World Cup pulpululh chuih hunnak cu June 14 Kawlram caan zan suimilam 8:30 ah Ruassia ram, Moscow khua ah hunnak tuah a si lai i MRTV zongah zohkhawh colh a si lai. 2018 World Cup cu June 14 in 15 tiang cu Ruasia ram ah an chuih lai i a tangmi puai paoh cu Group 8 ah then an si i ram 32 ah an chuih te lai. World Cup chung paoh a hramthok in a dongh tiang SKY Net Sports 1, Sports 6 le Sports HD line ah zoh khawh ding in an thlah lai tiah theih a si.
Ref: 7Day Daily
About The Author
