MRTY Application cu Google Play Store le Apple App Srore nih an hnawh colh
The Chinland Post | 2022 May 6 – SAC hruaitu Min Aung Hliang a mah pumpak nih Naypyidaw ah hlunghlai taktak in onnak a tuahmi MRTV Application cu nikhat a rauh hnu ah American Company Apps Web Social LLC nih online Google Play Store le Apple App Store in an hnawh colh tiah theih a si.
May 4 ah Min Aung Hliang nih Naypyidaw ah MRTV Application cu theihternak a tuah i May 5 ah ralkap ṭhatnak a kauhtertu MRTV Application cu Apple App Store le Google Play Store nih an hnawh colh, Justice for Myanmar nih hnawhpiak ding in a hal hnu ah American Company Apps Web Social LLC nih a hnawh colh hi a si tiah theih a si.
American App Web Social nih MRTV Application cu App Store le Google Play Store in an hnawh caah Justice for Myanmar nih lawmhnak a chim i Myanmar ram mipi hna thawng dik lo le huatnak chuahter ding in MRTV Application cu ser a si tiah a thanh.
SAC ralkap he aa pehtlaimi phu vialte Google platform cung in hnawhpiak dih ding in Justice for Myanmar nih a hal.
About The Author
