Muse Peng Ah SAC Ralkap le TNLA Karlak Ah Kahdohnak A Fak, SAC Lei A Thi Mi An Tam
The Chinland Post | 2023 August 30 — Shan ram, Muse peng ah SAC ralkap le Ta’ang National Liberation Army (TNLA) karlak ah kahdohnak a fak i SAC lei a thi mi an tam tiah Khit Thit nih a langhter.
August 28 thawk in Muse peng chung ah SAC ralkap le TNLA karlak ah kahdohnak a chuak i SAC lei a thi mi an tam, August 29 zaanlei sml 3:46pm ah SAC nih vanlawng in Selan khua ah bom a thlak tiah theih a si.
“August 28 thawk in Muse ah TNLA le SAC ralkap karlak ah kahdohnak a fak. Kahdohnak thawng hi Muse khuapi ning in theih a si” tiah khuami pakhat nih Khit Thit ah a chim.
Kahdohnak chung ah kaphnih lei a thi mi an um i SAC ralkap pawl cu TNLA sakhaan umnak Selan khua lei an panh tiah theih a si.
