Myaing Peng Ah Ralkap 3 le Palek 4 Hriamtling He Mipi Sin An I Fonh
The Chinland Post | 2023 April 4 — Magway ramṭhen, Myaing peng, April 3 zinglei ah SAC ralkap 3 le palek 4 cu hriamtling he mipi sin an i fonh tiah Myaing PDF nih a thanh.
Pakokku hrambunh Brigade 101 in ralkap 3 le Magway ramṭhen palek phu in palek 4 cu SAC kutang ah rianṭuan an duh ti lo ruang ah April 3 zinglei sml 9:40am ah hriam he mipi sin an rak i fonh hi a si.
Mipi sin aa rak fonh mi ralkap le palek hna cu minung 1 ah tangka sing 106 in an zapi caah sing 742 laksawng an pek hna tiah theih a si.
Hmailei zong ah mipi sin aa rak fonh duhmi ralkap le palek hna cu tangka laksawng pek le himnak hmun ah kuat nan si lai tiah an langhter.
About The Author
