Myanmar Cozah Nih A 25nak Ministry Zung Thar Serchap Ding In Hluttaw Ah An Chuahpi
????????????????????????????????????
The Chinland Post| 2018 November 13| Chawphumnak Le Ramleng Chawlehthal Pehtlaihnak Ministry zung serchap ding ah rampi President aiawh in ramkomh Biaceih Bawizik U Tun Tun Oo nih November 12 ah tuahmi ramkomh hluttaw ah a chuahpi.
Hiti ministry zungthar chap ding in an chuahpinak a ruang bik cu; ramchung ramleng chawphumnak (investment) rian cawisainak ah kokek pawngkam le zatlang pawngkam hnorsuang lo in tuanvo latu a ummi chawphumnak rian pawl a thanchonak ding caah a si. A thar ser dingmi ministry zung caah Myanmar rampi runvennak lei ruahnak petu le Myanmar rampi chawphumnak commisstion haotu U Taung Tun hi tuanvo an pek khawh tiah thawngpang a chuak.
Hi ministry zung serchapnak kong he pehtlai in hluttaw palai hna nih November 15 ah ceihmainak an ngeih lai. NLD cozah nih ramkomh cozah cu ministry 21 in ser hram an thawk i atu ahcun ministry 24 tiang an chap than cang. Atu Chawphumnak Le Ramleng Chawlehthal Pehtlaihnak Ministry hi an chap ahcun Myanmar ramkomh cozah ah 25nak ministry zung a si lai.
Hi hluttaw tonpumhnak ah rampi President nih ramkomh Taya hluttaw bawizik ah Ayeyarwaddy ramthen in Pathein khuapi Taya hluttaw biaceihtu U Myo Win cu rianpek a duhnak kong hluttaw ah min cazin a chuahpi chih.
Hluttaw meeting cu caan saupi an i dinh hnu ah November 12 in an thawk than i December 20 tiang hluttaw calendar ning in an tuah te lai tiah theih a si.
Ref: RFA Burmese
About The Author
