Myanmar Cozah Nih Muslim 34 Thong Kum 18 Cio Thlak Ding In Bia A Khiah
The Chinland Post| 2018 February 23| Muslim biaknak chungtel minung 34 cu fakpi in fahnak peknak le mithah lainawnnak he sualnak an ngei tiah biakhiahpiak an si hnu ah thong kum 18 cio thlak ding in Myanmar ram, Rakhine ramkulh Maungtaw pengkomh in biaceih bawizik changtu U Hngo Lwin Oo nih BBC ah a chim.
2016 kum October thla thil cangmi ruang i tlaihmi Muslim 400 laah 39 cu biaceih zung ah chuahpi le an bia ceihpiak an si. Cu chung ah minung 34 cu thong kum 18 cio thlak ding le biaceih zung nih bia a khiah cang. A taangmi minung 5 tu cu an thlah hna.
Kumkhat tluk Butitaung thonginn i an khumh hna hnu ah atu bantuk in an bia an ceihpiak hna hi a si.
2016 October thla thil a cangmi he pehtlai in a dang an tlaihmi hna le ahmuh an chek rih lomi hna 340 hrawng an taang rih. 2017 August 25 ah palek sakhaan 30 hrawng an kahdohmi ruang ah an tlaihmi hna minung a za renglo an taang rih tiah theih a si.
Ref: BBC Burmese
About The Author
