Myanmar Cozah Nih Suimilam Pakhat Ks. 600 in Nikhat Nihlawh 4800 In An Fehter

0

City Hunter| 2018 May 14| A tlawm bik nikhat nihlawh cu ks. 4800 in Myanmar ram cozah tuanvo ngeitu Amyotha committee nih May 14 ah an fehter. Myanmar ramchung khuazei hmun paoh ah a tlawm bik nihlawh cu suimilam pakhat ah ks. 600 in, nikhat- suimilam 8 ah ks. 4800 pek ding in an fehter.

Myanmar ram chung khua zeika hmun paoh ah a tlawm bik nihlawh cu suimilam pakhat ah ks. 600 in nikhat ah suimilam 8 chung lawng rian tuan in nikhat nihlawh cu ks. 4800 siseh tiah an fehter. Hi nihlawh fehtermi cu May 14 thawk in a nung cang tiah an thanh chih.

An chuahpimi a tlawmbik nikhat nihlawh ks. 4800 cu 2018 January thla zarhkhatnak ah an thanhchuah bal cang. 2018 March zarhkhatnak ah chuahpimi ks. 4800 cu a tlawm bik nihlawh khiaktu Amyotha committee nih an fehter.

Myanmar ram pumpi ah a hmasa bik ri an khiahmi a tlawm bik nihlawh cu ks. 3600 lawng a rak si, hihi 2015 August thla ahkhan an rak fehter.

President U Win Myint nih April 17 ni biarocah ah riantuantu pakhat nikhat nihlawh cu a tlawm bik ks. 4800 he aa tlak in vuanthawk (Oo-sii-A-ya-sih) rian nakin a niam deuhmi cozah riantuantu paoh zatuak 20% thlahlawh karhding le vuanthawk telhchih in vuanthawk in a cunglei cozah riantuantu paoh zatuak 10% thlahlawh karhding tiah a chim.

Vuanthawk rian nakin a niam deuhmi cozah riantuantu thlahlawh cu a tlawm bik ks. 120,000 in 144,000 tiang karhpiak le vuanthawk in a cunglei cozah riantuantu paoh a tam bik thlahlawh cu ks. 500,000 in 550,000 tiang karhpiak nan si lai tiah President U Win Myint nih kumthar biarocah ah a chim.
Ref: DVB Burmese, The Chinland Post 

About The Author

Na ruahning rak langhter ve.. (Leave a comment)

%d bloggers like this: