Myanmar Cungah Rialdipnak Tuah Dingin US Hluttaw Nih Upadi Pakhat A Fehter

0

Salai Aung Aung| 2018 May 24| Nuhrin Covo a um deuh khawh nak dingah tiin Myanmar cungah rialdipnak (pressure) tuah dingin US Lower House (Pyithu Hluttaw) palai pawl nih upadi pakhat an fehter.

Miphun runvennak rian tuan khawhnak nawl he aa pehtlai mi upadi cu remh ding in palai 382 nih lungtlinnak thimfung an thlak.
Tukum chungah American Union parliament (upper & lower) nih hi upadi hi an fehter a si ahcun Nuhrin Covo lei thanchonak a um lo chung paoh cu US nih Myanmar hi raltuknak lei dirkamhnak le runvennak lei he aa pehtlai mi bawmhchanhnak zeihmanh a pek ti lai lo.

Cu leng ah tu lio le hlan deuh ralkap bawi, pawl cung i phihkhar dantatnak zong pehzulh in a tuah lai tiah theih a si.

Kan hnulei August thla i Rakhine ramkulh chung a cang mi buaibainak ruangah Bangladesh ram ah ralzaam tampi an phan. Hi buainak chungah Myanmar ralkap nih an thil tuah ning hi miphun cihmih ruanglo tiang in thahnawnnak an tuah ti khawh a si tiah US nih Myanmar cu sual a phawt.

Asinain Myanmar ralkap bel nih hihi a dik lo tiah a el ve.

Ref: BBC Burmese

About The Author

Na ruahning rak langhter ve.. (Leave a comment)

%d bloggers like this: